ശൈലികൾ/മ

വിക്കിചൊല്ലുകൾ സംരംഭത്തിൽ നിന്ന്
Jump to navigation Jump to search
  1. മടിശ്ശീല കെട്ടഴിക്കുക പണം ചെലവാക്കുക. അറുപിശുകൻ എന്നറിയപ്പെടുന്നവനനാണ് .മകളുടെ വിവാഹം ആയി പോയി. മടിശ്ശീല കെട്ടഴിക്കാതിരികാൻ പറ്റുമോ.
  2. മണലുകൊണ്ട് കയറുപിരിക്കുകഫലമില്ലാത്ത അധ്വാനം. എത്ര പിരിച്ചാലും മണലിൽ നിന്നും കയറുണ്ടാവില്ലലോ.
  3. മണ്ണാങ്കട്ട വിലയില്ലാത്തത്, നിസ്സാരമായത്. അവഗണിക്കപ്പെടേണ്ടത്. വർഷവസാനപ്പരീകഷയോ? മണ്ണാങ്കട്ട ! എന്ന മനോഭാവമാണവനു.
  4. മതിമറക്കുക ആവേശം കാരണം ശരിക്കുമുള്ള അവസ്ഥയെക്കുറിച്ചു ഓർക്കാതെ പോവുക. അവളുടെ സൗന്ദര്യത്തിൽ മതിമറന്ന് അവളെക്കുറിച്ച് ഒന്നും അന്വേഷിക്കാതെ അവളെതന്നെയേ കെട്ടൂ എന്നവൻ തീരുമാനിച്ചിരിക്കുകയാണ്.
  5. മണ്മറയുക- മരണപ്പെടുക പതിറ്റാണ്ടുകൾക്ക് മുൻപ് മണ്മറഞ്ഞ ആ നേതാവിനെ ജനങ്ങൾ ഇന്നും ബഹുമാനത്തോടെ ഓർക്കാറുണ്ട്.
  6. മരംകോച്ചുന്ന തണുപ്പ് കഠിനമായ തണുപ്പ് മരംകോച്ചുന്ന തണുപ്പത്താണ് അവൻസിനിമയ്ക്ക് പോയിരിക്കുന്നത്.english : freezing cold
  7. മറുത്തു പറയുക എതിരു പറയുക മാതാപിതാകൾ എന്തു പറഞ്ഞാലും ചെയ്താലും മറുത്ത് പറയാതിരുന്ന മക്കളുടെ കാലമല്ല ഇന്ന്.
  8. മറുകണ്ടം ചാടുക എതിർചേരിയിൽ ചേരുക . തിരഞ്ഞെടുപ്പ് മുന്നിൽ കണ്ടുകൊണ്ട് മറുകണ്ടം ചാടാൻ തയ്യാറായി നിൽക്കാൻ കുറെപ്പേർ എല്ലാ പാർട്ടികളിലുമുണ്ട്.
  9. മുതലക്കണ്ണീർ കള്ളക്കരച്ചിൽ, വിഷമം അഭിനയിക്കൽ.
  10. മുതലെടുക്കുക ദുരുപയോഗപ്പെടുത്തുക ഉദ്യോഗം നേടിയ മകനെ പരമാവധി മുതലെടുക്കാൻ തന്നെ അയാൾ തീരുമാനിച്ചിരിക്കുകയാണെന്നു തോന്നുന്നു.english: take advantage of
  11. മുഖം കനപ്പിക്കുക ഗൌരവം നടിക്കുക. ഞാൻ ഇനി അങ്ങോട്ടില്ല.മുഖം കനപ്പിച്ചുള്ള അയാളുടെ ഇരുപ്പ് കണ്ടാൽ ആരാ അങ്ങോട്ട് ചെല്ലുക.
  12. മുൻപും പിൻപും നോക്കാതെ വരുംവരായ്കകളെക്കുറിച്ച് ചിന്തിക്കാതെ./ഗുണദോഷ ചിന്തയില്ലാതെ- ഏതു കാര്യവും മുൻപും പിൻപും നോക്കാതെ ഇറങ്ങിതിരിക്കുന്ന സ്വഭാവക്കാരനാണവൻ.
  • മനസ്സില്ലാമനസ്സോടെ
    • തൃപ്തിയില്ലാതെ
"https://ml.wikiquote.org/w/index.php?title=ശൈലികൾ/മ&oldid=20720" എന്ന താളിൽനിന്ന് ശേഖരിച്ചത്