സത്യ സായി ബാബ
സത്യ നാരായണ രാജു (നവംബർ 23, 1926 - 24, ഏപ്രിൽ 2011) പരക്കെ അറിയപെടുന്നത് 'ഭഗവാൻ ശ്രീ സത്യ സായി ബാബ' (തെലുഗ്: సత్య సాయి బాబా) എന്ന പേരിലാണ്‌. 'രത്നാകരം' എന്ന കുടുംബ നാമത്തിലുള്ള ബാബ ഒരു ആത്മീയ ഗുരുവായും അദ്ഭുതസിദ്ധിയുള്ളവനായും, സർവോപരി ചിലർ ദൈവമായും കരുതിപോരുന്നു.
- നിങ്ങൾ ഈശ്വരൻ ആണ്,ഞാനും ഈശ്വരൻ ആണ്. നിങ്ങൾ അത് തിരിച്ചറിയുക എന്നതാണ് നിങ്ങളുടെ ജീവിതത്തിൻറെ പ്രധാന ലക്‌ഷ്യം.
- വിദ്യാർത്ഥികളെ, പ്രാർത്ഥിക്കുന്ന ചുണ്ടുകളെക്കാൾ പ്രവർത്തിക്കുന്ന, സേവനം ചെയുന്ന കരങ്ങൾ ആണ് ശ്രേഷ്ഠം.
- മതങ്ങളിൽ നിങ്ങൾക്ക് ഈശ്വരനെ കണ്ടെത്താൻ കഴിയില്ല, നിങ്ങളിൽ അന്വേഷിക്കൂ , സ്വയം സാക്ഷാത്കരിക്കൂ.
- നിങ്ങൾ ഒരു ഹിന്ദു എങ്കിൽ നല്ല ഹിന്ദുവാകുക, ക്രിസ്ത്യാനി എങ്കിൽ നല്ല സത്യക്രിസ്ത്യാനി ആകുക . മുസൽമാൻ എങ്കിൽ അഞ്ചു നേരവും നിസ്കരിക്കുന്ന നല്ല മുസൽമാനാകുക, മതമല്ല പ്രധാനം ഹൃദയ ശുദ്ധി ആണ്.
- എല്ലാ ആദ്ധ്യാത്മിക ആചാരങ്ങളുടെയും അനുഷ്ടാനങ്ങളുടെയും ലക്‌ഷ്യം ഒന്നാണ് ....അതെന്താണ് ?? നിങ്ങൾ ഈശ്വരൻ ആണ് എന്ന് സ്വയം സാക്ഷാത്കരിക്കുകയാണ് ആ ലക്‌ഷ്യം.
- ബുദ്ധിയുടെയും മനസ്സിൻറെയും ശരീരത്തിൻറെയും ഭാഷയല്ല നമ്മുക്ക് ഇനി വേണ്ടത്, ഹൃദയത്തിൻറെ ഭാഷ, പ്രേമത്തിൻറെ ഭാഷ.
- നിങ്ങൾ ആത്യന്തികമായി സത്യംഅന്വേഷിക്കുന്നവൻ എങ്കിൽ നിങ്ങളുടെ വഴി മൗനത്തിൻറെത് മാത്രമാകണം.
- ബുദ്ധിയേക്കാൾ പ്രാധാന്യം കൊടുക്കേണ്ടത് നിങ്ങളുടെ സ്വഭാവരൂപീകരണത്തിനായിരിക്കണം.
- പണം വരും പോകും, ഹൃദയശുദ്ധി വരും വളരും, ആ വളർച്ചയാണ് നിങ്ങളിൽ നിന്നും ഞാൻ പ്രതീക്ഷിക്കുന്നത്