കാലം

വിക്കിചൊല്ലുകൾ സംരംഭത്തിൽ നിന്ന്

സംഭവങ്ങളുടെ ക്രമത്തെയും, അവ തമ്മിലുള്ള ഇടവേളകളെയും സൂചിപ്പിക്കാൻ ഉപയോഗിക്കുന്ന അളവ് സമ്പ്രദായമാണ് കാലം അഥവാ സമയം.

സമയത്തെപ്പറ്റിയുള്ള പ്രശസ്തരുടെ ചൊല്ലുകൾ[തിരുത്തുക]

  • നഷ്ടപ്പെട്ട സമയം ഒരിക്കലും കണ്ടുകിട്ടില്ല. ബെഞ്ചമിൻ ഫ്രാങ്കിളിൻ
  • സമയംകൊല്ലാനുള്ള വഴികളെക്കുറിച്ചു നാം ആലോചിക്കുന്നു. എന്നാൽ സമയം മെല്ലെ നമ്മളെയാണ് കൊല്ലുന്നത്. ബൗസികോൾട്ട്.
  • സമയം പോകുന്നു എന്നത് ശരിയല്ല. സമയം നിൽക്കുകയാണ് .നാമാണ് പോകുന്നത്. ഹെന്ററി ഡോബ്സൺ.
  • സമയം ധനമാണ് . ബെഞ്ചമിൻ ഫ്രാങ്കിളിൻ

സമയത്തെപ്പറ്റിയുള്ള പഴഞ്ചൊല്ലുകൾ[തിരുത്തുക]

  • കാലത്തിനു കാലനില്ല
  • കാലത്തിനു ചിറകുണ്ട്
  • കാലത്തിനൊത്ത കോലം
  • കാലമടുത്തേ കാലനടുക്കൂ
  • കാലം നോക്കി കൃഷി, മേളം നോക്കി തുള്ളൽ
  • ഇന്നു ചിരിയ്ക്കുന്നവൻ നാളെ കരയും (കാലത്തിന്റെ അനിശ്ചിതത്വം സൂചിപ്പിയ്കന്നു.)
  • ഇന്നത്തെപ്പണി നാളേയ്ക്ക് വെയ്ക്കരുത് (സമയത്തിന്റെ വില സൂചിപ്പിയ്ക്കുന്നു)
  • നാളെ നാളെ നീളെ നീളെ (വൈകിക്കലിനെ പറ്റി)
  • കാലത്തു തുഴയാഞ്ഞാൽ കടവിൽ ചെന്നടുക്കില്ല (നമ്പ്യാർ)
  • കാലത്തെ പോയാൽ നേരത്തേ ചെല്ലാം

മറ്റു ഭാഷാചൊല്ലുകൾ [1][തിരുത്തുക]

  1. സമ്പത്തിനൊരു സമയമുണ്ട്. ആപത്തിനുമൊരു സമയമുണ്ട് (തമിഴ്)
  2. ഏതു നേരവും എന്നത് ഒരു നേരമല്ല (അമേരിക്കൻ)
  3. സമയത്തിനു സാവകാശം കൊടുക്കുക ( ഇറ്റാലിയൻ)
  4. സമയമുണ്ടായിട്ടും കൂടുതൽ നല്ല സമയത്തിനായി കാക്കുന്നവൻ സമയം കളയുകയാണു ചെയ്യുന്നത് ഇംഗ്ലീഷ്
  5. ഐശ്വര്യക്കാലത്ത് വാചാലമായിക്കൊള്ളൂ , കഷ്ടക്കാലത്ത് മൗനിയാകൂ ( യിഡ്ഡിഷ്)
  6. സമയമാണ് കഷണ്ടി വരുത്തുന്നത് ചീർപ്പല്ല ( ചെക്ക്)
  7. നഷ്ടപ്പെട്ടുപോയ സമയം കണ്ടുകിട്ടില്ല (ഇംഗ്ലീഷ്)
  8. ഒരു സമയം പോലല്ല വേറൊരു സമയം ( റഷ്യൻ)
  9. നല്ലക്കാലം ഒരിക്കൽ മാത്രമേ വരൂ ( ഇറ്റാലിയൻ)
  10. കാലം മുറിവുകൾ ഉണക്കുന്നു പക്ഷേ പാടുകൾ അവശേഷിക്കും (ഇസ്റ്റോണിയൻ)
  11. കാലമാണ് ഏറ്റവും നല്ല വൈദ്യൻ (യിഡ്ഡിഷ്)
  12. സമ്പത്ത്കാലത്ത് ചന്ദനത്തിരി കത്തിക്കില്ല . ആപത്ത് കാലത്ത് ദൈവത്തിന്റെ കാലുപിടിക്കുംചൈനീസ്

അവലംബം[തിരുത്തുക]

  1. The Prentice Hall Encyclopedia of World Proverbs

പുറത്തേക്കുള്ള കണ്ണികൾ[തിരുത്തുക]

:w
:w
വിക്കിപീഡിയയിലെ താഴെ കാണിച്ചിരിക്കുന്ന താളിൽ ഈ ലേഖനവുമായി ബന്ധപ്പെട്ടെ കൂടുതൽ വിവരങ്ങൾ ലഭ്യമാണ്‌:
കാലം എന്ന വാക്ക് മലയാളം വിക്ഷണറിയിൽ തിരയുക
"https://ml.wikiquote.org/w/index.php?title=കാലം&oldid=21455" എന്ന താളിൽനിന്ന് ശേഖരിച്ചത്