ശ്രീ ഗണപതിയുടെ

വിക്കിചൊല്ലുകൾ സംരംഭത്തിൽ നിന്ന്

ശ്രീ ഗണപതിയുടെ തിരുനാമക്കുറി തുയിലുണര്

ശ്രീ മഹാദേവനും ശ്രീപാർ‌വ്വതിക്കും

പൊന്നായ് വളർന്നവനേ തുയിലുണര്

ആനമുഖവന്ക്ക് മുതലമൃതൂണുക്ക് അയ്യാ തുയിലുണര്

അയ്യയ്യാ തുയിലുണര്

ശ്രീ ഗണപതിയുടെ തിരുനാമക്കുറി തുയിലുണര്

ശിവനേ ശിവനുതിരുമകനേ പിള്ളഗണപതിയേ

ഗണപതിയേ നിന്നെ

കൈലാസത്തിൽ പെരുമാൾത്തിരുമുൻപിൽ‍ അച്ഛനു കാവലായ്

അമ്മയിരുത്തി കുളിക്കാൻ പോയ്

ശ്രീ ഗണപതിയുടെ തിരുനാമക്കുറി തുയിലുണര്

തിരുമകനായ് നീ കാവലിനായ് ഇരുന്നരുളും സമയത്തിൽ

നിന്നെ പറഞ്ഞുവിട്ട ചെഞ്ചിട നടുവിൽ ഇണങ്ങി മയങ്ങിയ

മങ്കയെ ഗംഗയെ മടിയിലിറക്കി ഇരുത്തി

ഗണപതിയേ നിന്നച്ഛൻ മുപ്പാരിന്നച്ഛൻ ശൃംഗാരനടമാടി ഗംഗയുമായ്

അമ്മയോ നിന്നെ നമ്പി അച്ഛനതിലേറെ നമ്പി രണ്ടുപേർക്കും നല്ല പിള്ള

ഗണപതിയേ

ശ്രീ ഗണപതിയുടെ തിരുനാമക്കുറി തുയിലുണര്

കോളിളകിക്കൊണ്ട് കോപേന താപേന ശ്രീപാർ‌വ്വതി വന്നു കലമ്പി നിന്നു

ഗിരിമകളുടെ പുരികക്കൊടി ചാടിയ കൂന്തലും ചെങ്ങിയ കണ്മുനയും

കണ്ടു കണ്ടു മനമിടറുമാറടിപതറുമാറഴിയും ഹൃദയം വഴിയും മട്ടിൽ

നാണത്താൽ തല താഴ്ത്തി ശിവനും ഗംഗയും ഒഴിഞ്ഞുമാറുന്നു

ശ്രീ ഗണപതിയുടെ തിരുനാമക്കുറി തുയിലുണര്

ശ്രീ മഹാദേവനും ശ്രീപാർ‌വ്വതിക്കും

പൊന്നായ് വളർന്നവനേ തുയിലുണര്

"https://ml.wikiquote.org/w/index.php?title=ശ്രീ_ഗണപതിയുടെ&oldid=20864" എന്ന താളിൽനിന്ന് ശേഖരിച്ചത്