നാടൻ കളിപ്പാട്ട്

വിക്കിചൊല്ലുകൾ സംരംഭത്തിൽ നിന്ന്

കുട്ടിക്കാലത്തെ നാടൻകളികളുമായി ബന്ധപ്പെട്ട ചില നാടൻ കളിപ്പാട്ടുകളാണിവിടെ ചേർത്തിരിക്കുന്നത്. ഇത് ഓരോ ദേശത്തും നേരിയ വ്യത്യസങ്ങളെല്ലാമുണ്ടായിരുന്നാലും ഗൃഹാതുരമായ ഓർമ്മകൾ സമ്മാനിക്കുന്ന വരികളാണിവയെന്നതിൽ സംശയമില്ല.

അത്തള പിത്തള തവളാച്ചി[തിരുത്തുക]

:w
വിക്കിപീഡിയയിലെ താഴെക്കാണിച്ചിരിക്കുന്ന താളിൽ ഈ ലേഖനവുമായി ബന്ധപ്പെട്ടെ കൂടുതൽ വിവരങ്ങൾ ലഭ്യമാണ്‌:

അത്തള പിത്തള തവളാച്ചി

ചുക്കുമേലിരിക്കണ ചൂലാപ്പ്

മറിയം വന്ന് വിളക്കൂതി

ഗുണ്ടാ മണി സാറാ പീറാ ഗോട്ട്.

ഗോട്ട് അടിച്ച് കൈ മലര്*ത്തി വച്ച് കളി തുടരുന്നു

അക്കുത്തിക്കുത്താന[തിരുത്തുക]

അക്കുത്തിക്കുത്താന വരമ്പേ കയ്യേ കുത്ത് കരിങ്കുത്ത്

ചീപ്പ് വെള്ളം താറാമ്മെള്ളം താറാമ്മക്കള കയ്യേലൊരു ബ്ലാങ്ക്

അക്കര നിക്കണ ചക്കരപ്രാവിന്റെ
കയ്യോ കാലോ ഒന്നോ രണ്ടോ വെട്ടിക്കുത്തി മടക്കിട്ട്.

ഞ-നൊ-രു-മ-നു-ഷ്യ-നെ ക-ണ്ടു[തിരുത്തുക]

ഞ-നൊ-രു-മ-നു-ഷ്യ-നെ ക-ണ്ടു

അ-യാ-ളു-ടെ നി-റം എ-ന്ത്?

(പച്ച) പ-ച്ച. (ച്ച തൊട്ട വിരല് ഔട്ട്)


എട്ടും മുട്ടും താമരമൊട്ടും[തിരുത്തുക]

ഒന്ന്, രണ്ട്, മൂന്ന്, നാല്

അഞ്ച്, ആര്, ഏഴ്, എട്ട്

എട്ടും മുട്ടും താമരമൊട്ടും

വടക്കോട്ടുള്ള അച്ഛനുമമ്മയും

പൊ-ക്കോ-ട്ടെ.

ഇലകള് പച്ച[തിരുത്തുക]

നാരങ്ങാ പാല്

ചൂട്ടയ്ക്ക് രണ്ട്

ഇലകള് പച്ച

പൂക്കള് മഞ്ഞ

ഓടി വരുന്ന <>(വരുന്ന ആളുടെ പേര്)<> പിടിച്ചേ

എന്ത് പേ പെപ്പരപേ!![തിരുത്തുക]

ഡും ഡും ഡും

ആരാത്?
ഞാനാണ്

എന്തിനു വന്നു? പന്തിനു വന്നു.
എന്ത് പന്ത്? മഞ്ഞപ്പന്ത്
എന്ത് മഞ്ഞ?
മുക്കുറ്റി മഞ്ഞ

എന്ത് മൂക്കുറ്റി?
പീലി മൂക്കുറ്റി

എന്ത് പീലി?
കണ്*പീലി

എന്ത് കണ്ണ്?
ആനക്കണ്ണ്

എന്ത് ആന?
കാട്ടാന

എന്ത് കാട്?
പട്ടിക്കാട്.

എന്ത് പട്ടി?
പേപ്പട്ടി.

എന്ത് പേ?
പെപ്പരപേ!!

"https://ml.wikiquote.org/w/index.php?title=നാടൻ_കളിപ്പാട്ട്&oldid=20225" എന്ന താളിൽനിന്നു ശേഖരിച്ചത്