കറുകറെ കാർമുകിൽ

കറുകറെ കാർമുകിൽക്കൊമ്പനാനപ്പുറത്തേറി എഴുന്നള്ളും മൂർത്തേ

കർക്കിടത്തേവരേ കർക്കിടകത്തേവരേ

തുടം തുടം കുടം കുടം നീ വാർത്തേ

കറുകറെ കാർമുകിൽക്കൊമ്പനാനപ്പുറത്തേറി എഴുന്നള്ളും മൂർത്തേ

മഴവിൽക്കൊടി മാനത്ത് പൊന്നമ്പലമുറ്റത്ത് വിരിയുന്നു

തെളിയുന്നു അലിഞ്ഞലിഞ്ഞങ്ങലിഞ്ഞുമായുന്നൂ

കറുകറെ കാർമുകിൽക്കൊമ്പനാനപ്പുറത്തേറി എഴുന്നള്ളും മൂർത്തേ

മാനത്തൊരു മയിലാട്ടം പീലിത്തിരുമുടിയാട്ടം ഇളകുന്നൂ

നിറയുന്നൂ ഇടഞ്ഞിടഞ്ഞങ്ങൊഴിഞ്ഞു നീങ്ങുന്നൂ

കറുകറെ കാർമുകിൽക്കൊമ്പനാനപ്പുറത്തേറി എഴുന്നള്ളും മൂർത്തേ

മനസ്സാകെ നനഞ്ഞല്ലോ തീ കാഞ്ഞുകിടന്നല്ലോ

ഒഴിയുന്നൂ വഴിയുന്നൂ അഴിഞ്ഞു ഞങ്ങൾ തളർന്നുറങ്ങുന്നൂ

കറുകറെ കാർമുകിൽക്കൊമ്പനാനപ്പുറത്തേറി എഴുന്നള്ളും മൂർത്തേ