എം. കരുണാനിധി

എം. കരുണാനിധി (3 ജൂൺ 1924 - 7 ഓഗസ്റ്റ് 2018) തമിഴ്‌നാട് സംസ്ഥാനത്തിന്റെ മുൻ മുഖ്യമന്ത്രിയും, ദ്രാവിഡ മുന്നേറ്റ കഴകം പാർട്ടിയുടെ നേതാവുമായിരുന്നു. 1969-ൽ ഡി.എം.കെയുടെ സ്ഥാപക നേതാവായ സി.എൻ. അണ്ണാദുരൈ അന്തരിച്ചതിനെ തുടർന്നാണ് കരുണാനിധി പാർട്ടിയുടെ നേതൃസ്ഥാനം ഏറ്റെടുക്കുന്നത്. 1969-71, 1971-74, 1989-91, 1996-2001 and 2006-2011 എന്നിങ്ങനെ അഞ്ച് തവണ തമിഴ്‌നാട് സംസ്ഥാനത്തിന്റെ മുഖ്യമന്ത്രിയായിരുന്നിട്ടുള്ള ഇദ്ദേഹം ഓരോ തവണയും നടക്കുന്ന തെരഞ്ഞെടുപ്പുകളിൽ റെക്കോർഡ് ഭൂരിപക്ഷമാണ്‌ നേടിയിരുന്നത്. വാർദ്ധക്യസഹജമായ അസുഖങ്ങൾ ഏറെ അലട്ടിയിരുന്ന അദ്ദേഹം 2018 ആഗസ്റ്റ് 7-ന് ചെന്നൈയിലെ കാവേരി ആശുപത്രിയിൽ വച്ച് അന്തരിച്ചു. മരിക്കുമ്പോൾ അദ്ദേഹത്തിനു 94 വയസ്സായിരുന്നു.

ഉദ്ധരണികൾ[തിരുത്തുക]

എന്റെ വിശ്രമകാലം ആരംഭിക്കുന്നത് എന്നാണെന്ന് എനിക്ക് അറിയില്ല.
അനുഭവം ഒരു വിദ്യാലയമാണ്. ധിക്കാരികൾക്ക് അതിൽ നിന്നും ഒന്നും നേടാൻ കഴിയില്ല.
ഏകാന്തതയെപ്പോലെ ക്രൂരമായ ഒന്നും തന്നെയില്ല; അത്ര നല്ല ഒരു സുഹൃത്തുമില്ല.
എങ്ങനെ ചിരിക്കണമെന്നറിയാവുന്ന മനുഷ്യനേ മാനവ മൂല്യങ്ങളെ മനസ്സിലാക്കാനാവൂ
കൂടെ നിന്ന് ചതിക്കുന്ന സുഹൃത്തുക്കളെക്കാൾ നല്ലത് പരസ്യമായി എതിർക്കുന്ന എതിരാളികളാണ്.
പുസ്തകവായന നിങ്ങൾക്ക് ലോകത്തെക്കുറിച്ചുള്ള അറിവ് നൽകും, എന്നാൽ ലോകത്തെത്തന്നെ പുസ്തകമായി വായിക്കാൻ ശ്രമിച്ചാൽ നിങ്ങൾ നേടുക അനുഭവങ്ങളാണ്.
തേനീച്ചക്കൂടുകളും പിശുക്കന്റെ അറയും ഒരുപോലെയാണ്. രണ്ടും നിറയ്ക്കാൻ അദ്ധ്വാനിക്കുന്നവർക്ക് ഉപകരിക്കുകയില്ല.
അനിയന്ത്രിതമായ ചങ്ങാത്തം ദുരന്തത്തിൽ അവസാനിക്കും.
ഞാൻ വിശ്രമത്തിനു വിശ്രമം നൽകാറാണ് പതിവ്. സജീവ രാഷ്ട്രീയത്തിൽ നിന്നും ഒരിക്കലും വിരമിക്കില്ലെന്നാണെന്റെ പ്രതീക്ഷ.
താൽക്കുന്നത് നമ്മളാണെങ്കിലും, ജയിക്കുന്നത് തമിഴായിരിക്കണം.
പ്രകൃതി എന്നോട് എന്തെങ്കിലും ചെയ്താൽ മാത്രമേ സ്റ്റാലിന് മുഖ്യമന്ത്രിയാകാൻ സാധിക്കൂ.

അവലംബങ്ങൾ[തിരുത്തുക]

'ഞാൻ വിശ്രമത്തിനു വിശ്രമം നൽകാറാണ് പതിവ്': കരുണാനിധിയുടെ പ്രശസ്തമായ ചില വാക്കുകളിലൂടെ.. Doolnews