ഊഞ്ഞാൽപ്പാട്ട്

<<< കൂടുതൽ നാടൻ പാട്ടുകൾ

ഒന്നേ ഒന്നേമ്പോൽ ഒമ്പതാം നാളായി തിരുവാതിര

രണ്ടേ രണ്ടേമ്പോൽ രാവും പകലും തിരുവാതിര

മൂന്നേ മൂന്നേമ്പോൽ മൂവാളു പൊക്കത്തിൽ ഊഞ്ഞാലിട്ടു

നാലേ നാലേമ്പോൽ നാടു മുഴങ്ങുന്ന പാട്ടും പാടി

അഞ്ചേ അഞ്ചേമ്പോൽ അഞ്ചാതെ നാരീജനങ്ങളെല്ലാം

ആറേ ആറേമ്പോൽ ആറ്റിലിറങ്ങി കുളി തുടങ്ങി

ഏഴേ ഏഴേമ്പോൽ എല്ലാരും കൂടിക്കുളിച്ചു കേറി

എട്ടേ എട്ടേമ്പോൽ പട്ടു പുടവ ഞൊറിഞ്ഞുടുത്തു

ഒമ്പതേ ഒമ്പതേമ്പോൽ ഓമനപ്പെണ്ണുങ്ങൾ നോറ്റിരുന്നു

പത്തേ പത്തേമ്പോൽ ഭർത്താവുമായി സുഖിച്ചിരുന്നു.

<<< കൂടുതൽ നാടൻ പാട്ടുകൾ