ഓപ്ര വിൻഫ്രി
ഒരു അമേരിക്കൻ ടെലിവിഷൻ അവതാരകയും നിർമ്മാതാവും അഭിനേത്രിയും ജീവകാരുണ്യപ്രവർത്തകയുമാണ് ഓപ്ര വിൻഫ്രി. "ദി ഓപ്ര വിൻഫ്രി ഷോ" എന്ന ചരിത്രത്തിലെ തന്നെ ഏറ്റവും ജനപ്രീയതിയാർജ്ജിച്ച ടോക്ക്-ഷോയിലൂടെ അന്താരാഷ്ട്രപ്രശസ്തി നേടി. ആഫ്രോ-അമേരിക്കൻ വംശജരിൽ 20-ആം നൂറ്റാണ്ടിലെ ഏറ്റവും ധനികയായ വ്യക്തി, ഏറ്റവും വലിയ ജീവകാരുണ്യപ്രവർത്തക എന്നീ വിശേഷണങ്ങൾ ഓപ്ര നേടി. ഒരു സമയത്ത് ലോകത്തിലെ കറുത്തവർഗ്ഗക്കാരിൽ ഏക ബില്ല്യണയറായിരുന്നു ഇവർ. ലോകത്തിലെ ഏറ്റവും സ്വാധീനശക്തിയുള്ള വനിതയായി ഇവർ പലപ്പോഴും കണക്കാക്കപ്പെട്ടു
ഉദ്ധരിണികൾ
- ഉള്ളതിനു നന്ദിയുണ്ടെങ്കിൽ കൂടുതൽ ഉണ്ടാവും.ഇല്ലായ്മയെക്കുറിച്ച് വ്യാകുലപ്പെടുന്നവർ ഒരുകാലത്തും സംതൃപ്തരാവില്ല
- മുന്തിയ കാറിൽ നിങ്ങളോടൊപ്പം യാത്ര ചെയ്യാൻ ഒരുപാട് പേരുണ്ടാവും. എന്നാൽ ആ കാർ വഴിയിലായാൽ ബസ്സിൽ യാത്ര തുടരാൻ തയ്യാറുള്ളവരെ കൂടെക്കൂട്ടുക
- പുതുവൽസരത്തെ വരവേൽക്കുക ! കാര്യങ്ങളൊക്കെ ശരിയാക്കാൻ ഇതാ ഒരവസരം കൂടി വരുകയായി.
- ക്ലേശങ്ങൾ ഇല്ലാതെ ശക്തി ആർജ്ജിക്കാൻ സാധ്യമല്ല
- മുറിവുകളും വ്രണങ്ങളും നിങ്ങളെ പ്രബുദ്ധരാക്കണം
- വീഴച്ചകളും പരാജയങ്ങളും നിങ്ങളെ മറ്റൊരു ദിശയിലേയ്ക്ക് നയിക്കാൻ ദൈവം കാണിച്ചു തരുന്ന സൂചനകളാണ്
- എല്ലാം നിങ്ങൾക്ക് വന്നു ചേരും. എന്നാൽ ഇപ്പോ തന്നെ എല്ലാം വന്ന് ചേരില്ല.
- തയാറെടുപ്പുകളും അവസരങ്ങളും കണ്ടുമുട്ടുന്നതിനെയാണ് ഭാഗ്യം എന്ന് നാം പറയുന്നത്.
- അടിതെറ്റിയാൽ വീഴണമെന്നില്ല. എല്ലാ വീഴചകളും പരാജയങ്ങളുമല്ല.
- നല്ല മാതാപിതാക്കളുള്ളവർക്ക് ജീവിതത്തിൽ മുൻകൈയ്യുണ്ട്