കാസർഗോഡൻ ശൈലികൾ

കാസർഗോഡ് ജില്ലയിലും ചില സമീപദേശങ്ങളിലും കണ്ടുവരുന്ന ചില ശൈലികൾ:

ഇക്കേരിനായ്‌ക്കൻ കോട്ടപിടിച്ചതുപോലെ

അപ്രതീക്ഷിതമായി വന്ന് എല്ലാം കൈക്കലാക്കുക എന്നർ‌ത്ഥം

വലിയ കുമ്മിണിയെപ്പോലെ

കുമ്മിണിയെന്നാൽ കമ്പനി എന്നർത്ഥം.

കുരങ്ങു ചത്ത കുറവനെ പോലെ

എല്ലാം നഷ്ടപ്പെട്ടവനെ പോലെ

കാഞ്ഞോട്ടില്‌ വെള്ളം ഒഴിച്ചതുപോലെ

ചുട്ടുപഴുത്തിരിക്കുന്ന ഓട്ടുപത്രത്തിൽ വെള്ളം ഒഴിച്ചതുപോലെ

ഗതികെട്ടോൻ പണയം വെച്ചതുപോലെ

എന്നെന്നേക്കുമായി നഷ്ടപ്പെടുക

നാക്കില്ലാത്തോന്റെ ചൊക്ക്; നായിപ്പുണ്ണിന്‌ വെണ്ണീറ്

സധാരണക്കാരന്റെ പ്രവൃത്തിയെ വില കുറച്ചു കാണുക/ഗൗരവതരമായി എടുക്കാതിരിക്കുക

കുന്നിന്‌ മണ്ണു പൊറുക്കുക

മണ്ണുകൊണ്ട് സമ്പന്നമാണ്‌ കുന്ന്; ആ കുന്നിലേക്ക് വീണ്ടും മണ്ണു കൊണ്ടുപോവുകയെന്നാൽ വൃഥാപ്രവൃത്തിയെന്നർത്ഥം

തങ്ങാനാളുണ്ടെങ്കില്‌ തളർച്ചയുമുണ്ട്

അവസരം മുതലെടുത്ത് അലസത കാണിക്കുക